My KHUMALO Heritage

Mzilikazi kaMashobana!
Wen’ owal’ ukudl’ umlenze
kwaBulawayo!
Donda!
Wen’ oth’ udl’ umunt’
ub’ umyenga ngendaba!
Bheje!
Owabhej’ eNgome kwabonakala.
Mabaso!
Owabas’ entabeni,
Kwadliw’ ilanga lishona!
Wena kaMawela,
Owawel’ iZambezi ngezikhali!
Wena kaNkomo-zavul’ inqaba,
Zavul’ inqaba ngezimpondo
kwelaseNgome!
Kekela kaNgobe ongenalulak’
emntwini;
ulaka lwakhe ukuncintshana!
Sonan’ esingoni lutho;
Okwemihlambi yezinyamazane
eyahamba yalal’ emfuleni!
Lulwandle kaluwelwa,
Luwelwa zinkonjane zona ziphapha
phezulu!
MaNtungw’ ancwaba;
zindlov’ ezibantu!
Zindlov’ ezimacocombela!
Nin’ enehla ngesilulu;
MaNtungw’ aluhlaza!
Maqhaw’ amakhulu,
ehlul’ abeSuthu
NoShak’ engazang’ abehlule!
MaNtungw’ adl’ izimf’ ezimbili;
Ikhambi laphuma lilinye!
Nin’ enal’ ukudl’ umlenze
kwaBulawayo!
Nin’ enahlubuk’ eNdlunkulu kaZulu;
nenyuka nezwe!
Mbulazi!